غصبن عني حبيتها
للكاتبه(Sandra-kas)
روايتي تتحدث عن الحب والرومانسيه والخيانه والانانيه..و..و..
ملاحظه"لآ احلل ولآ استبيح لاي شخص ينقل الروايه دون ذكر اسمي"
ابطال القصة:
عايلة ابوحمد:
سعد وهو الاب،الهنوف وهي الام،حمد وعبدالله وحنان وريم وسارة ورغد
عايلة ابو جاسم:
محمد وهو الاب،عائشه وهي الزوجة،جاسم ونوف وصيته وأحمد وفاطمة
عايلة ابو عبدالله:
مبارك وهو الاب، عواطف وهي الزوجة، عبدالله وراشد وعفراء واسماء وسارة
عايلة ابو فيصل:
خالد وهو متوفي منذ 6سنوات وهو الاب،غديروهي الام، فيصل وغادة وام نواف
عايلة ابو جمعان:
متعب وهو الاب،منيرة وهي الام،جمعان مات من 5سنوات،نورة وسارة ماجد وعبدالله
وفي شخصيات اخرى مهمه راح تظهر عند سردي لرواية..
البارت الاول:
في بيت ابو حمد
ام حمد(الهنوف):سارة ياسارة تعالي
سارة وانا البس عبايتي:جايه يمه..الله يهديك بس
ام حمد:يلاا بيروح حمد عنك يلا عجلي..
سارة:واخواتي ركبوا ولا
ام حمد:من 5 دقايق يلا روحي
لبست برقعي وركبت السيارة واخوي معصب واخواتي بعد حمد وهو معصب: انا آخر مرة راح اوديكم اخر مرة خلوا عبيد يوديكم زين
..الكل سكت لانه يخوف وهو معصب.. ووصلنا بيت خالي محمد(ابو جاسم).. نزلت وسلمت على نوف وفاطمة وصيته سلمت على مرت اخوي نورة وحبيت راسها وقعدنا معهم..
ام جاسم:وش اخبارك ياسارة محلوة بسم الله عليك..
سارة:تحلا ايامك ياخالتي
ام جاسم:إلا وش اخبار امك عساها طيبة وليش مجت معاكم..
ريم:الحمدلله زينه..هي بتروح المزرعة..
ام جاسم: مع مين
حنان:مع خالتي منيرة
ام جاسم: الله يعين..
وقعدت اسولف مع نوف وأخواتها وجات الساعة 11 وجاء اخوي ورحنا معاه ولف عند المزرعة مشان يا اخذ امي وخالتي ووصلها عند بيتها
حمد:يمه..أنا قلت لك مراح اوديهم مرة ثانية خلي عبيد يوديهم..
ام حمد:الله يهديك..خلاص بخلي عبدالله يوديهم بكرة لعند خالتهم منيرة..
حنان:صدق يمه بنروح..
ام حمد:أي..وبخليكم تنامون عندها 3ايام..
رغد:غريبة وش الطاري!!
ام حمد: يعني متبون تغيرون جو
حنان متشوقة:إلا نبي..
ام حمد:بس مو بيتها في مزرعتها
سارة:ليه!! مزرعت خالتي مو حلوة شينه حتى حمام حقها مهتري وكلا صراصير..مابي اروح والله بقطن
ريم: أي وحرر مرررة ماابي انا بعد..
أم حمد:سلامات انتي وياها..عدلت المزرعة ورممتها وطلعت احسن من اول فرشت ونظفت وبنت حتى انها مسويه مسبح كبير لنا..
حنان ورغد: والله وناسه..
ريم:من متى مصلحته خالتي من راح يجي بس حنا
ام حمد:من 6 اشهر..لا بيجون عيال خالك مبارك ومحمد
رغد:ليه مقلتي لنا يعني الموضوع سر هاه..
ام حمد : اصلنا هي مقالت لي انا بعد بس قالت لي ان حنا معزومين عندها يعني تسوي احتفال..
سارة:اخذ والله وتطورت خالتي بعد..
ريم وحنان وحمد:هههههههه
ام حمد: اقول اعقلي انتي وياها هذه جزاتها..
سارة :الله يهديك يايمه والله امزح..
عايلة ابو جمعان
ام جمعان:بتروحين غصب عليك سامعه..
نورة:ماابي غصب هو
ام جمعان:اسكتي ياجليله الحيا احين وش بيقولون عني اعزم وعيالي هم اول ناس ميجون!!
نورة: يمه عفيا ماابي اروح رجلي تعورني مقدر
سارة:اقول اسكتي احسن لك انا من زماان ابي اطلع بس انتي ماتبن كيف الناس تشوفك..
نورة:ومن قال لك اني ابي اتزوج عشان اطلع..اسكتي..اسكتي.. احسن لك أنا اكلم امي مو انتي..
ام جمعان:وامك تقول لك بتروحين غصبن عليك سامعه..
وراحت ام جمعان عنهم لانها ملت من بناتها وتبي تزوجهم بس محد طق بابهم..
سارة:كم يوم امي قالت راح نتم في المزرعة..
نورة بملل: 3 ايام والله طفش ماودي اروح..
سارة:طب ليه متبين تروحين..
نورة:محب اطلع من البيت فهمتي انا بيتوتيه..
سارة:عشتوا.. حتى انا زيك بس مليت كلا نوم واكل وتلفزيون ونوم واكل...كلا كذا السالفة نبي نغير المنيم شوي..وراحت فتحت شنطة وحطت اغراضها واغراض اختها نورة
في الصالة..ام جمعان رفعت السماعة:الو هلا ام فيصل..أخبارك..
ام فيصل:هلا بمنيرة..هلا بالقاطعه مدقين ولا تسالين؟؟
ام جمعان:وش اسوي بعد..انا منشغلة في الترميم..
ام فيصل:ترميم..اي ترميم..
ام جمعان:ترميم المزرعة..
ام فيصل:بعد ولا تقولين لي هين هين..
ام جمعان:ههههه الله يهديك بس انا متعمده اني اخلي الموضوع سر حتى عن اختي هي مدرت إلا اليوم يوم تجي في المزرعة..إلا شكنت بقول لك ام فيصل انتي معزومه عندي في المزرعة
ام فيصل:حصل خير أي يوم
ام جمعان:بكرة وبتجلسين هناك 3 ايام
ام فيصل:لا عاد طويلة ذي
ام جمعان:والله لزعل منك وجيبي فيصل خليه يستانس كلا بس بشغله وخليه يجيب معاه مرتة حصة..
ام فيصل:والله وش اقول لك..فيصل طلق حصة
ام جمعان متفاجئة:من متى طلقها!!
ام فيصل: والله خذ له اسبوعين..وزيادة
ام جمعان:غريبة مسمعت.. بس ليه طلقها..
ام فيصل توهقت:علمي علمك انا والله مدري تصديقين انه مقال لي!!! كل مسئله ميجاوب ولا يغير الموضوع..
ام جمعان:الله يعين بس..
عايلة ابو عبدالله
ام عبدالله في التلفون:خلاص الهنوف..ابشري..سلاام وسكرت السماعة
ابو عبدالله:هاه وش تبي اختي الهنوف
ام عبدالله: أي..تقول ان احنا معزومين عند مزرعة اختك منيرة..قالت لي انها مدقت علي منيرة لانها مشغولة شوي
ابو عبدالله: أي حصل خير..
ولا بدخلة سارة وعفراء:عن وش تتكلمون كنا سمعنا عزيمة
ام عبدالله:ايه هاذي عمتكم منيرة مسويه عزيمه في مزرعتها وقالت لنا نتم هناك يومين او ثلاثه
عفراء:وناسه بس حنا ولا عيال عمتي الهنوف راح يجون
ام عبدالله:لا..بيجون ناس واجد لان عمتك مخلت حد إلا وعزمته
سارة:وش عندها!!
ام عبدالله"تمد القهوة لابو عبدالله":تقول انها توها مخلصه ترميم المزرعة
عفراء:بعد.. حلوة يمه ولا
ام عبدالله:والله انا مشفتها لسه...
ابو عبدالله"وهو يقوم":اجل انا اترخص
ام عبدالله:على وين ياابو عبدالله..
ابو عبدالله: عند الشباب..وبيني وبينك زين انها عزومة عامه بعزم خويي وعياله بعد....
بيت ابو حمد
في الصاله..سارة:يمه كلمتي عيال خالي مبارك..
ام حمد:أي كلمتهم
سارة:وعيال خالي محمد..
ام حمد:تصدقين اني نسيت بشوف وكلم خالتك كان عزمتهم ولا..
سارة:أي والله يمه تاكدي اخاف بعد ننسى ويزعلون وتصير مشاكل حنا في غنا عنها..
ورحت المطبخ وعملت تشيز كيك بالتوت وتشير كيك الاوريو بس على اكواب وعملت كيك باسكن روبنز طبعا عملت كمية كبيرة منهم..ووضعتها في البراد ورحت شفت ريم ورغد يرتبون ملابسهم ويحطونهم في الشنطة..سارة:خلصتوا ولا
ريم:أي خلصنا بس باقي المنظفات منظفات الجسم..
رغد:وانتي سارة خلصتي ولا... وش راح تودين معاك
سارة:أنا لسه مابديت.وش بودي يعني..
حنان"وهي طالعه من الحمام"كرمكم الله":ريم لاتنسين معجون الاسنان معاك"وهي تمده لريم" إلا وش بنسوي لرحنا هناك اقصد اكل لان عيب نروح ولا نسوي شيء ما..
رغد:أي والله
ريم:انا مالي خلق اسوي لان باقي لي احط المكياج والسشوار والعطور لي..
سارة:حشى كل ذه وبعدين لاتحاتون انا سويت حلى
رغد استغربت:متى!!
حنان:أي والله منتبهنه لك
سارة:وين تنتبهون وانتوا تجهزون اغراضكم..
إلا ودخله امي ام حمد: انتوا لمتى بظلون صاحيني احين الساعة 1ونصف ونتوا لسه ترى حنا بنروح لهم الساعة تسع
رغد:ول بدري يمه
ريم:أي والله
الهنوف:لان لازم نساعد خالتك بالغدا نسيتوا ولاتنسوا انها عازمه الفريج معها..
سارة:يمه وش رايك نجيب معانا خضروات وفواكة وصحون زيادة..لان أي صحون هذه الي راح تكفي لضيوف الي ع قولتك فريج..
الهنوف :متخافين انا بصحى الساعة سبع ونصف وراح اجهز الاغراض..يلا روحوا ناموا...
عايلة ابو جمعان
في الصباح عند الساعة 7:00ام جمعان:وجع جدي يلا اصحوا يلاا
نورة"وهي تتثائب":اههه توا الناس يمه
ام جمعان:اقوول يلا بلا دلع سويره يلا اصحي ويهد
سارة:انزين بصحى
ام جمعان:يلا روحوا توضوا وصلو وتعالوا لي في المطبخ عشان تساعدوني... وقامت سارة وراحت الحمام"وانتوا بكرامه" وصلت ونزلت وساعدت امها..
عايلة ابو حمد:
صحيت الساعة 7:15 رحت توضيت وصليت وقريت جزء واحد من القران زي كل يوم ورحت وخذت لي شور سريع واستشورت شعر ولبست بجامة ناعمة وصحيت ريم وحنان ورغد ونزلت وشفت امي قايمه تصلي ورحت المطبخ وجات امي وراي
ام حمد:هلا سارة صباح الخير..
سارة:صباح النور والورد
ام حمد: قومتي خواتك ولا..
سارة:أي قومتهم يمه
وقعدت اطلع اللحم المفروم و7 اكياس معكرونة واشياء واجد...ونزلت ريم: صباح الخير
ام حمد:احد يشقر حواجبه احين غيرك..
ريم:وش اسوي بعد معندي وقت امس"وهي تتثائب"
وطلعت ريم من المطبخ وراحت فوق..
ام حمد تطالع فيني:يمه سارة..
سارة"وانا احط الصحون في الكيس":هلا يمه
الهنوف:حبيبتي سارة.. وش حطت حنان لها..اقصد
قاطعته: يمه الله يهديك بس..متخافين عليها"حطيت يدي على كتفها"إذا في امل ان اختي ولو قليلا انها راح تتزوج راح تتزوج..الله يهديك بس
ام حمد:بس ياسارة اختك مو صغيرة عمرها احين 25 سنه ومبقى لها شيء وتوصل عانس كملت الجامعة وخلصت وهي احين في البيت..وشلون مخاف..
سارة:الله يصلحك بس..يمه ياحبيبتي إذا الله كاتب انها تتزوج راح تتزوج وبعدين هذه القدر وبعد لسى اختي صغيرة..وباقي واجد على ميجي عمرها 30
ام حمد:أي معليه الايام تركض يابنتي وبكرة بتشوفين.."وهي تتنهد"انا خيافة عليها.
سارة:من وش..
ام حمد:خايفة من مشاعرها..
سارة"اعطيت الموضوع اهميه":مشاعرها!!!
ام حمد:أي مشاعرها انتي تذكرين الناس الي جاوا يوم الاحد..
سارة:أي اذكرهم.وش فيهم..
ام حمد:هم جاوء يخطبون ريم..
سارة"وأنا مستغربة مرة":ريم أنتي متأكدة..
ام حمد "وهي تجلس في الكرسي":أي ريم..في البداية توقعت حنان .بس مو ريم..انتبهي موتقولين لها سمعتي.
.سارة:إن شاء مراح اقول لها..بس ريم تدري ولا مقلتي لها
.ام حمد:لا لسى مقلت لها انتبهي لاتقولين لها إلين مانسال عن الشاب وبعدين نسالها ...
سارة:الي متفاجئة منه انهم جاوء يخطبون ريم مو حنان
.. ام حمد:انتي شفتي اختي قبل اختك متحب تزين ولاتحسن من مظهرها وبعدين هي مو حلوة زي ريم..ريم اطول منها ب7سم او اكثر بس حنان قزمة ومتينة وريم نحيفة وتهتم بشكلها..الله يستر بس..
سارة:يمه ادعي لها ان الله يوفقها ويسعدها
ام حمد:إن شاء الله بس انتي روحي فتحي شنطتها وردي علي بسرعة لاتشوفك وإذا شفتيها جايبه معاها قمصان خايسة قوولي لها تغير ملابسها وتحط تنورات ولا بناطيل
سارة:ههههه خايسة عاد..
ام حمد:أي خايسة حتى كريمة"الخدامة"تلبس احسن منها..والمشكلة ان حنا نوديها السوق بس ماتشتري وأن اشترت تركنها في الدولاب ولا تلبسها..انتي شفتي شكلها حتى تشغير حواجب متبي تعجز تسويهم كل اسبوعين..ساعات تسوي وتنسع كم شهر مو شهر إلا اشهر..
سارة:ههههههههه يمه الله يهديك حنان مو سيئة لهدرجة ولا هي قبيحة بس هي مهمله في نفسها شوي ...الله يهديك..يلا يمه انا بروح اقوم عبدالله وحمد مشان يشيلون الاغراض ويحطونهم في السيارة..
ام حمد:وملابس اختك..
سارة"قربت منها":يمه الله يهديك هي اصلنا مراح تسمع مني إذ قلت لها بتعصب..أنا بروح اقوم اخواني احن لي
ام حمد "وهي تتنهد":الله يصلحكم بس.. ورحت وشلت الاغراض مع اخواني ورحت فوق مشان اشيل الاشناط
سارة:انتي وش مسوية في نفسك..
ريم"وهي تحط الروج":انا وش فيني..
سارة:مكياج عرس الله يهديك..ترى احنا بنروح مزرعة مو مكان ثاني..
ريم:أي ادري بس لازم اضبط نفسي شوي..
سارة:انتي الله يستر منك بس..إلا وينها حنانوا..
ريم:مدري عنها..يمكن تلقينها تحط مكياج
سارة"متفاجئة":تحط مكياج..
رغد:أي وش فيك متفاجئة..مو اول مرة
سارة:أي ادري بس..... إلا تطلع حنان..إلا اشوف حنان كنها والله مدري وش اقول لكم حاطة رمل فوق عينها"اقصد الظل" وحاطة روج احمر غامق الي يشوفها يقول عمره 30 40 سنه مو وحده في العشرين من عمرها ولا بعد لابسه قميص من سنه جدي ولابسه اللولو محبيت اعلق على شكلها لان شكلها بومة خامة اربع فيران...<<<<هههههه
سارة:يلا..انتوا مخلصتوا..
ريم:يعني انتي خلصتي..مشاء الله عليك
رغد:أي والله انتي شفتي نفسك في المرايه لا مكياج ولا ملابس عدل مكنتك راح تروحين مزرعة..
حنان:أي والله مكنك رايحه..."وهي تمرر شعرها ع اصابع يدها"اقول خذي حطي حمرة بس..
سارة"وأنا ارد الحمرة فوق التسريحة":بعدين يلا ركبوا السيارة احين الساعة 9:12 واحنا المفروض من قبل رايحين يلا بسررعة.. رغد:انتي حلوه بدون مكياج مو زينا بسم الله عليك.. ساره:تركي المجاملات ويلا نزلوا
ونزلنا وانا لبست عباتي وشلت اغراضي وحطيتها في السيارة..
عايلة ابو جاسم
ابو جاسم: يلا يابنات بنتاخر...
ام جاسم:وش علامك..الله يهديك توا الناس
ابو جاسم:انا قصدي انك انتي وبناتك تساعدوها..
ام جاسم:لا.. احنا مراح نروح احين احنا نبي نوصل هناك عند الظهر لما يكون الغداء جاهز يعني احنا ماسوينا شيء..
ابو جاسم تنهد:الله يهديك بس..
ام جاسم:انا مراح اقول للبنات يستعجلون..
ابو جاسم:خلاص اجل انا بروح مع جاسم واحمد عشان نساعدهم تدرين
ام جاسم: خلاص اجل..روح ومتى مجهزت انا والبنات راح نكلمك..وانتي ولا جاسم تعالوا لنا
ابو جاسم:خلاص...يلا انا اترخص..
في المزرعة
نزلت من السيارة أنا واخواتي وامي وشلنا الاغراض يوم فتحت عيوني ع المكان مصدق كل شيء تغير سوت مجلس كبير خاص بالرجال ومجلس لنساء ودخلت المطبخ ياهوا وسيع حيل وديكوراه ايطالي ع شرقي يهبل مرة يعني صدق ذوق وخذت التشيز كيك الي سويته والكيك في البراد
كريمة"الخدامة": سارة.. خذ هذه الصهون واللهم(خذي هذه الصحون واللحم)
سارة مديت يدي:كريمة..روحي نادي حنان خليها تساعدني..
ونظفت المكان إلا بدخله حرمه:وش تسوين يابنتي..
سارة مستغربه :هلا يمه..اخبارك "وانا اسلم عليها بست يدها..
:هلا ببنيتي..زينه الله يعافيك..وش تسوين انتي؟
سارة"ابتسمت":اقطع البصل..
:الله يهديك خليها انا اسويها روحي ارتاحي..
سارة:لا والله يمه وش اسوي انا جالسه..خليني اساعدكم احسن..اختاري اسوي الكبسه ولا اسوي الخفايف..
:لاذا ولا ذا روحي بس قعدي..
ام جمعان"وهي ماسكه الصحن":لا..لاتروحين سارة خلك ساعديني..ام فيصل خلي سارة تطبخ الكبسه
ام فيصل:وي ليه انا قلت بسويها..
ام جمعان:الله يهديك بس خليها تسوي الكبسه والله انها تسويها حلوة مررة خاطري فيها..
ام فيصل:يعني هي تسويها احسن مني..خلاص انا زعلت..
سارة"اقتربت منها وبست يدها"والله فيك الخير والبركة يمه بس انا قلت لخالتي اني راح اسويها ياجعلني افداك..وفي حد يقدر ع زعلك أنتي الغالية...الله يصلحك بس..
ام فيصل"وهي تطال فيني يوم رحت":من ذي المزيونة..
ام جمعان:ذي سارة بنت اختي الهنوف..تهبل ماشاء الله عليها..
ام فيصل:أي والله مزيونة..هي متزوجة؟
ام جمعان:لا والله متزوجت بعد..
ام فيصل:كم عمرها؟؟
ام جمعان:مدري بس كنها 20 ولا 19
ام فيصل:ماشاء الله مبين عليها 17سنه..مو كنها تشبه ميساء مغربي ولا
ام جمعان:أي فيها شبة كبير..خشمها شفايفة سبحانه كنها التؤام حقها..
ام فيصل:أي والله..
رحت لصاله الصاله فخمه مرة موديلها امريكي ع بدوي كنه ريفي مرة والريحة مرة حلوة وفي نافذة كبير تطل ع المزرعة..
نورة:هلااااا..سارونه..
سارة"التفت لها":هلاا نورة اخبارك؟؟
نورة: زينه.. نسال عنك؟
سارة:الحمد لله زينة..إلا وين سارة..
نورة:من سارة..أختي ولا بنت خالي مبارك؟؟
سارة:هههههه الاثنين..
نورة:اختي مع امك تنظف مجلس الرجال قبل ميجون فيه..اما سارة بنت خالي مبارك لسه مجاوا..
سارة:أي..تبين تروحين المطبخ تساعديني..
نورة"وهي قايمه":أي والله مليت..
ورحت المطبخ وجهزت القدر الكبير الخاص بالعزايم وخليت كريمة تجهز اللحم..سمعت الاذان يئذن رحت مشانا توضئ وصليت وطلبت من كريمة تغسل الرز ع مجي...
في الصاله..حنان:أخبارك سارة تمام..
سارة بنت متعب:زينه انتي اخبارك مع البيت..
حنان:والله زين..تتشمتين فيني هه
سارة بنت متعب:ههههه الله يهديك بس.. يعني انا اقول ان دخلتك في الكليه مالها داعي لانك احين قاعده في البيت..
حنان:والله مندري..وش بيصير في المستقبل..إلا وين اختك نورة..
سارة بنت متعب:خخخخ تساعد اختك سارة في المطبخ..
ام فيصل وهي داخله:بنات يلا قوموا صلوا يلا..
سارة بنت متعب:أي يلا بس سارة في الحمام مطلعت.. حنان:لاهي طلعت..
ام فيصل:لاتتحججين وروحي الحمام الثاني..
شفت اختي ريم توه مخلصة صلاة،ماشاء الله عليها طول عمرها موديل كانت لابسه تنورة سوداء وبلوزه بنفسجية وصنادل بنفسجي غير المكياج السموك والاكسسوارات،أما اختي رغد لابسه بنطلون سكيني جنز معها بلوزة طويلة لونها اخصر وصنادل اخصر رهيب..وحطت ميك اب سنبل بس حلو عليها..
اما نورة بنت خالتي منيرة لابسه قميص عادي مو حاصة ميك اب ولا مسرحة شعرها لافته كنا كعكع..
اما سارة بنت متعب لابسه جلابية عادية مرة كنها مخيطتها والله مدري ولا حطت مكياج ولا استشورت شعرها بنوب كانت معكفته..
ورحت المطبخ اطبخ انا ونورة وكريمة
في المجلس الرجال
ابو حمد:هلا هلا بأبو جمعان اخبارك؟عساك طيب؟
ابو جمعان:زين الله يطول بعمرك؟وش علامك ماتفتح المجلس لنا زي اول!!
ابو حمد:والله المدام تعبانة شوي قلت اريحها اسبوع وانا اخوك
ابو جمعان:متشوف شر..إن شاء الله..هلا بفيصل..اخبارك؟؟
فيصل:زين الله يطول بعمرك.أخبارك انت؟؟
ابو جمعان:زين الله يحفظك..ابو حمد نسيت اعرفك بفيصل..
ابو حمد:هلا والله فيك يافيصل اخبارك؟؟
فيصل:زين ياطويل العمر..
إلا بدخله منصور ومبارك:السلام عليكم
الكل:وعليك السلام
ابو حمد:هلا بأبو عبدالله توا منور المكان..
ابو عبدالله:بوجودك الله يطول بعمرك.."ويأشر"هذه منصور ولد ابو صقر..
ابو جمعان:مشاء الله كبرت ياولدي..
منصور بمزح:أي..بس موزيك..
الكل:ههههههههه
في المطبخ..وانا اعد السلطات عملت سلطة التبولة وسلطة الجرجير بس وطبخت الكبسه..وطيت ع النار ورحت للغرفة وشفت عفراء واسماء وسارة بنت مبارك وسلمت عليهم ورحت حطيت لي مكياج ناعم ولبست جلابية قمه في الروعه بلون الاصفر مزمزمه من البطن..وسرحت شعري ولبست الاكسسوارات.. وطلع شكلي خيال مرررة...وصندل من ديور بلاك عالي
وخصوصا ان شعري الاسود عطاه منظر وطله خيالية..
خذت جوالي ودقيت على اخوي عبدالله
عبدالله:هلا
سارة:هلا فيك..اي شو كنت ابا اقول لك..كم عدد الرياجيل عندكم..
عبدالله:امممم فوق العشر..
سارة:حلو لكان بعد 3دقايق تعال لي في المطبخ تدله صح؟
عبدالله:أي ادلة..يلا سلاام
وجبت صحن كبير وكبيت الرز وحطيت قطع من الخيار عليه وحطيت السلطات
ودخل اخوي عبدالله وعطيته الكبسه والسلطات وقلت لنورة تساعدني في شيل الكبسه لانه ثقيل وقلت لكريمة تجيب السلطات..بنات خالي نوف وصيته والكل بختصار مات ع شكلي وخصوص أم فيصل..وجيت بأكل إلا دق علي اخوي حمد...
حمد:هلا سارة..
سارة:هلا
حمد:وين الشطة..الله يصلحك
سارة:وي لحظة بجيبها لك..
حمد:لا ميحتاج انا بروح سلاام
وسكر الخط في وجهي..اصريت اني انا اروح اجيبه.. ورحت المطبخ كان اشوف... وفي وجهي
- منوا الي شافته سارة؟؟وهل راح يحصل شيء؟؟
-وليه ام فيصل تسال كثير عن سارة؟؟
-وش بتسوي ام حمد ع الخطاب الي جاوء لريم؟؟
-شو هو شعور حنان من موقف الخطاب الي جاوا لريم؟؟؟
ابي تفاعل..عشان اكمل الرواية
السبت مارس 19, 2011 6:07 pm
يازينك والله بعد كم يوم راح اخطبك من ابوك):احم..احم<<وش بعده بعد مشبع ناظره لي..